गोल्डेन न्यूज संवाददाता
लेखनाथ नगरपालिका वडा नं –१३ मा रहेको रुची पोल्ट्री प्रा.लि.को आठौं स्थापना दिवसको अबसरमा राखिएको खुल्ला रत्तदानमा २७ युनिट रगत संकलन भएको छ । कम्पनीका उपाध्यक्ष गोविन्द बास्तोलाले पहिलो रत्तदाँत्ता प्रकाश तिवारीलाई ब्लड व्याग हस्तान्त्रण गर्दै आम नेपालीमा भुकम्पका कारणले परेको विपत्तिमा कोही पनि भूकम्प पीडित घाईते रगतको अभावले ज्यान गुमान नपरोस् भन्ने उद्देश्ले रक्तदान कार्यक्रमको आयोजना गरेको बताएका थिए । स्थापना दिवस कै अवसर पारेर राखिएको अन्तर रुचि भविवल प्रतियोगितामा दयाराम महतोको टिम विजेता र मनुराम महतोको टिम उप–विजेता भएको थियो । प्रतियोगीतामा पाँच टिमको सहभागीता रहेको थियो । सो अवसरमा कम्पनीमा कार्यरत कर्मचारीहरु मध्ये उत्कृष्ट माधव राई, डिल्लीराम गिरी र सरोज नेपालीलाई नगद तथा प्रशंसापत्र द्वारा सम्मान गरिएको थियो । कम्पनीका शेयर सदस्य गोविन्द बाँस्तोलाको अध्यक्षतामा भएको सो कार्यक्रममा फार्मका म्यानेजर डा.कुमार पौडेलद्वारा स्वागत मन्तब्य र लेखा अधिकृत विक्रम पौडेलले कार्यक्रम संचालन गरेका थिए ।
Post a Comment