0
एशिया मानव अधिकार तथा साँस्कृतिक विकास मञ्च (एशिया फोरम) को तनहुँ जिल्लाको प्रथम जिल्ला भेला बुधबार लालकुमार श्रेष्ठको अध्यक्षतामा सात सदस्यीय तनहुँ जिल्ला कार्य समिति गठन गरि सम्पन्न भएको छ । समितिको सचिवमा राजन रिमाल, कोषाध्यक्षमा हिमाल श्रेष्ठ र सदस्यहरुमा शिव गर्तौला, प्रेमबहादुर श्रेष्ठ, पूर्णकुमार श्रेष्ठ र केदारभक्त घिमिरे सर्वसम्मत चयन भएका छन् । मञ्चका केन्द्रिय अध्यक्ष निरज थापाको प्रमुख आतिथ्यतामा भएको कार्यक्रममा वैदेशिक रोजगारको सिलसिलामा विभिन्न देशमा गएर आएका र हाल तनहुँ जिल्लामा विभिन्न पेशा तथा व्यवसायमा लागेका व्यक्तिहरुको उपस्थिति रहेको थियो । कार्यक्रमको उद्घाटन गर्दै केन्द्रिय अध्यक्ष निरज थापाले वैदेसिक रोजगारबाट फर्केर आएका नेपालीहरुको संगठित संस्थाको रुपमा १० वर्ष देखि सामाजिक कार्य गर्दै आएको उक्त संस्थाको वारेमा प्रकाश पार्दै हालसम्म गरेका कार्यहरुको वारेमा प्रकाश पारेका थिए ।
सिद्ध गुफा व्यवस्थापन समिति विमलनगर, तनहुँका संस्थापक अध्यक्ष लालकुमार श्रेष्ठ, पोल्ट्री व्यवसायी हिमाल श्रेष्ठ, केदारभक्त घिमिरेलगाएतले विदेशबाट फिर्ता युवाहरुलाई समाजमा घुलमिल हुनको लागि निकै अप्ठ्यारो हुने भएको बताउँदै संस्थाले त्यस्ता युवा लक्षित कार्यक्रमहरु ल्याउनु पर्ने बताएका थिए । कार्यक्रममा मञ्चका केन्द्रिय उपाध्यक्ष तथा लेखनाथमा रहेको नेपालकै ठुलो वंगुर फार्म नेपाल लाइफ स्टक प्रा.लि.का संचालक छ्याम थापा, पश्चिमाञ्चल क्षेत्रीय समितिका अध्यक्ष जुम गुरुङ, सदस्य एवं गाउँवेशी कृषि केन्द्रका संचालक लक्ष्मण बाँनिया, क्षेत्रीय सचिव कृष्णबहादुर रानाभाट, कास्की जिल्ला अध्यक्ष तिलक थापा लगायतले संस्थाले युवाहरुलाई सकेसम्म विदेश नजान र जानै परे सिप सिकेरमात्र जान सरसल्लाह दिने गरेको साथै स्वदेश फिर्ता युवाहरुलाई कृषि तथा पर्यटन क्षेत्रमा लगानीको लागि परामर्श दिंदै आएको बताए । क्षेत्रीय समितिका अध्यक्ष जुम गुरुङको अध्यक्षतामा भएको कार्यक्रमको संचालन सचिव कृष्णबहादुर रानाभाटले गरेका थिए ।

Post a Comment

 
Top