फूलबारी मन्टेश्वरीको स्पोर्ट मिट

पोखराको नदीपुर स्थित फूलबारी मन्टेश्वरी कटेज प्रि स्कूलको स्पोर्ट मिट मंगलबार सम्पन्न भएको छ । कार्यक्रमको उद्घाटन गर्दै प्रमुख अतिथि केयर एण्ड ट्रस्ट प्रमुख डेभिड थोमसले नेपालका अभिभावकहरुमा आफ्ना बच्चाहरुलाई उच्च शिक्षामा राम्रो बनाउनका लागि मन्टेश्वरीप्रति आकर्षण बढेको बताए ।  कार्यक्रममा अभिभावक प्रकाश देव पालिखेले फूलबारी मन्टेश्वरीबाट राम्रो शिक्षा तथा संस्कार पाएकाले आफ्नो घरको वातावरण राम्रो भएको बताए । अभिभावक झलक थापा, सन्ध्या घिमिरेले मन्टेश्वरीले समय अनुसारको शिक्षा बालबालिकालाई दिएकाले आफूहरुलाई बालबच्चाको हेरचाहमा सजिलो भएको बताए । स्पोर्टस मिट अन्तर्गत विभिन्न ७ खेलहरु भएका थिए । खेलहरुमा प्रथम, द्वितीय, तृतीय हुनेहरुलाई कार्यक्रमका प्रमुख अतिथि डेभिड थोमस र विद्यालयका प्रमुख अरुणा शेरचनले पुरस्कार वितरण गरे । शिक्षाको क्षेत्रमा स्थापित भएको फूलबारी मन्टेश्वरीले धेरै बालबालिकालाई राम्रो वातावरणमा शिक्षा दिएको छ । फूलबारी मन्टेश्वरीका प्रमुख अरुणा शेरचनको अध्यक्षतामा भएकोे कार्यक्रममा कक्षा ३ का महिमा कुँवर र सृष्टि थापाले बोलेका थिए भने अन्य विद्यार्थीहरुर्ले खेल तथा मनोरञ्जनात्मक प्रस्तुतीहरु प्रस्तुत गरेका थिए ।