बा“सुरी तथा धिमे बाजासम्बन्धी प्रशिक्षण पोखरामा

रामबजार तायाःमचाः नाच समिति रामबजार १०, १५ को आयोजना तथा नेवा दे दवूः काठमाडांैको सहयोगमा संचालित ३ महिने बाँसुरी तथा धिमे बाजा तालिम सम्पन्न भयो । बाँसुरी तथा धिमे बाजा प्रशिक्षणमा समापनको नेवा दे दवूः काठमाण्डौका अध्यक्ष नरेश ताम्राकारले उद्घाटन गर्दै रामबजार तायाःमचाः नाच समितिलिे आफ्ना कलाकारलाई बाँसुरी तथा धिमे बाजा प्रशिक्षण दिई शंखधर शाख्वालाई नेपाल सरकारले मान्यता दिई राष्ट्रिय विभुति घोषणा गरेको पुण्य दिनमा समापन कार्यक्रम राखिएकोमा धन्यवाद व्यक्त गर्दै नेवाः समुदायको भाषा, संस्कृति संरुक्षण गर्न लागि परेको र रामबजारमा नेवाः मात्र नभई अन्य जातजातिलाई पनि सहभागी गराएकोमा प्रसंसा गर्दे नेपालीले बजाउने जुनसुकै बाजा पनि सबैले सिक्न र बजाउन हुने बताउँदै आवश्यक परेमा जुनसुकै समयमा पनि नेवा दे दवूः सहयोग गर्न तयार रहेको बताए । बाँसुरी र धिमे बाजा प्रशिक्षणमा सहभागी २० जनालाई प्रमाणपत्र वितरण गरिएको कार्यक्रममा बाँसुरी तर्फ प्रथम हुने विपिन गोशली, द्वितीय सुरज तझ्या, तृतीय शिशिर भट्टचन र धिमे तर्फ प्रथम हुने सरगम तामाङ, द्वितीय शिल्पा ताम्राकार र तृतीय हुने अनुष्का रन्जितलाई पुरस्कार वितरण गरिएको थियो ।
उक्त अवसरमा बाँसुरी तथा धिमे बाजा प्रशिक्षक नेवा दे दवूः काठमाण्डौका सदस्य सूर्य नारायण महर्जनलाई विन्ध्यवासिनीको मन्दिरको चिनो, सम्मानपत्रले सम्मान गरिएको थियो । कार्यक्रममा किरण आर्ट ग्यालरीका प्रो किरण रन्जीत र समिता रन्जीतले माछापुच्छे«को तस्वीर मायाको चिनो प्रदान गरेका थिए । कार्यक्रममा सहयोगी संस्थाको रुपमा नेवाःदे दवूः काठमाण्डौ, विश्वकर्मा मन्दिर रामजबार, तनहुँ नेवाः खल तनहुँ, कालिका मन्दिर संचालक समितिलाई सम्मान गरिएको थियो । कार्यक्रममा नेवाः खल कास्कीका अध्यक्ष अशोक पालिखे, जनजाति महासंघ तनहुँका सल्लाहकार शंकर नारायण श्रेष्ठ, ब्यास नगरपालिकाका पूर्व मेयर ताराप्रसाद श्रेष्ठ, नेवाः ल्यामः दवूका केन्द्रीय अध्यक्ष सत्यनारायण डंगोल, नेवाःमिसाः पुच कास्कीका महासचिव संगीता बज्राचार्य, नेवा गुठी काठमाडौंका अध्यक्ष गणेशमान श्रेष्ठ, लक्ष्मी महर्जन, प्रशिक्षक सूर्यनारायण महर्जन, नेवाः खल कास्कीका सदस्य विष्णु शंकर ख्वाउजु, टोल वकास संस्था महिला वडा समन्वय समितिका अध्यक्ष पवित्रा गुरुङ्ग, ममिता गौतम स्मृति प्रतिष्ठानका संरक्षक चन्द्रकिशोर गौतम, पत्रकार उदयमान अमात्य लगायतले आफ्नो विचार राखेका थिए । कार्यक्रममा पोखराका सबै नेवाः खलः मिसा पुच र रामबजारका संघसंस्थाको सहभागिता रहेको कार्यक्रममा समिति उपाध्यक्ष गणेश कुमार प्रधानले स्वागत गरेका थिए । कार्यक्रममा रामबजार तायाःमचाः नाच समिति रामबजार १०, १५ का अध्यक्ष सम्मर बहादुर श्रेष्ठको सभापतित्वमा भएको कार्यक्रमको संचालन सचिव नारायण श्रेष्ठ र कलाकार शिल्पा ताम्राकारले संयुक्त रुपमा गरेका थिए ।