शौचालय निर्माणका लागि आर्थिक सहयोग

पोखराको अमरसिंहमा रहेको जागरण आमा समूहको भवन नजिक शौचालय निर्माणका लागि अमरसिंह महिला समुहबाट सहयोग रकम प्रदान गरिएको छ । मंगलवार एक कार्यक्रमका वीच अमरसिंह आमा समूहकी संस्थापक अध्यक्ष सेती थापाले शान्तिपथ गोर्खालाईन टोल विकास संस्थाका अध्यक्ष हितराज शर्मालाई ९८ हजार ६ सय ३६ रुपैयाँ सहयोग गरेको हो । जागरण आमा समुहको भवनमा शौचालयको अभाव भएपछि आफूहरुले सानो  भएतापनि रकम हस्तान्तरण गरी शौचालय निर्माणका लागी रकम हस्तान्तरण गरिएको अमरसिंह आमा समुहकी संस्थापक अध्यक्ष सेती थापाले जानकारी दिएन । आमा समूहको भवनमा क्रियापुत्रीका लागि पनि ठाउँ रहेको, खानेपानी ट्याङकी समेत निर्माण गरिसकेको र अहिले आएर शौचालयको अभाव रहेकाले आफूहरुले शौचालय निर्माणका लागि आर्थिक सहयोग जुटाइ सहयोग गर्न पाउँदा खुसी लागेको बताइन । रकम हस्तान्तरण कार्यक्रममा वोल्दै शान्तिपथ गोर्खालाईन टोल विकास संस्थाका अध्यक्ष हितराज शर्माले जागरण आमा समुहको भवन परिसरमा शौचालय निर्माणलाई यथा सक्य छिटो काम शुरु गर्ने प्रतिवद्धता ब्यक्त गरे । युनाइटेड क्लवका अध्यक्ष हिमालय बख्रेल, क्लवका सह सचिव लोक वहादुर थापा लगायत क्लवका पदाधिकारीहरुको रोहवरमा उक्त रकम हस्तान्तरण गरिएको हो ।