पोविविमा क्षेत्रीयस्तरको रोवोटिक्स प्रतियोगिता

रोवोटिक्स क्लब, पोखरा विश्वविद्यालय र रोवोटिक्स एशोसिएशन अफ नेपालको संयुक्त आयोजनामा सोमबार पोखरा विश्वविद्यालय केन्द्रिय क्याम्पसमा यन्त्र २.२, पोखरा, क्षेत्रिय स्तरको रोवोटिक्स प्रतियोगिता आयोजना भएको छ । प्रतियोगिता कम्प्युटर एशोसिएशन अफ नेपाल, कास्कीका अध्य क्षजि. एन. पाण्डेको प्रमुख आतिथ्यमा आयोजना भएको थियो । कार्यक्रममा बोल्दै पाण्डेले सूचना प्रविधिको विकासबाट नै देशको पहिचान अन्तर्राष्ट्रिय क्षत्रमा स्थापित गर्न सकिने भन्दै ईन्जिनियरीङमा अध्ययनरत विद्यार्थीहरुले आयोजना गरेको सो कार्यक्रमको प्रशंसा गरे । सोही कार्यक्रममा बोल्दै लेखनाथ उद्योग वाणिज्य संघका अध्यक्ष बाबुराम गिरीले विद्यार्थीहरुमा रहेको सिपलाई उजागर गर्न यस्ता कार्यक्रमहरुले महत्वपूर्ण भूमिका खेल्ने बताए ।
रोवोटिक्स प्रतियोगितामा पश्चिमाञ्चल विकास क्षेत्रका स्कुल लगायत ईन्जिनियरिङमाअध्ययनरत विद्यार्थीहरुको सहभागिता भएको जानकारी कार्यक्रम संयोजक सुदिप फुयाँले बताए । यन्त्र रेसर र यन्त्र अखडा गरी दुई छुट्टाछुट्टै प्रतियोगितामा १० ओटा समुह सहभागी थिए । यन्त्र रेसरमा स्कुल अफ ईन्जिनियरिङ समूह ए प्रथम भयो भने यन्त्र अखडामा नवलपरासीको बि. एल. जी समूहले अग्रसरता हासिल ग¥र्यो । प्रतियोगिताका प्रथम र द्वितीय समूहलाई राष्ट्रिय स्तरको रोवोटिक्स प्रतियोगिता यन्त्र ३ मा सहभागी हुन काठमाडांै पठाईने कार्यक्रमका सभापति एवं रोवोटिक्स क्लब पोखरा विश्वविद्यालयका अध्यक्ष सुनिल शाहले जानकारी दिए । कार्यक्रमका सहयोगीहरुलाई धन्यवाद दिदै शाहले आगामी दिनमा पनि सम्पूर्ण क्षेत्रबाट सहयोग भएमा पोखरामै राष्ट्रिय स्तरको प्रतियोगिता आयोजना गर्न सम्भव भएको बताए । २०० जनाभन्दा बढी दर्शकहरुको उपस्थिति भएको कार्यक्रमको सहजीकरण सागर पौडेलले गरेका थिए भने कार्यक्रममा स्वागत मन्तब्य उशा किरण रोकायले राखेकी थिइन् ।