जर्मनी संस्थाद्वारा सिद्धबराह उच्च माविलाई सहयोग

जर्मन संस्था नमस्ते हेल्थ एजेन्टका सदस्यहरुले मंगलबार कास्कीको चापाकोटस्थित सिद्धबराह उच्च माध्यामिक विद्यालयका लागि करिब ८ लाख रुपैयाँ बराबरको शैक्षिक एवं खेलकूदका सामाग्री हस्तान्तरण गरेका छन् । उनीहरुले विद्यालयको पुस्ताकालयका लागि ६ सय १० थान पुस्तक, १० वटा दराज, विज्ञान सम्बन्धी उपकरण ३ वटा, टेवुल कुचीै लगायतका फर्निचर समेत हस्तान्तरण गरेका थिए । नमस्ते हेल्थ एजेन्टका सदस्यहरु ..... ले विद्यालय व्यवस्थापन समितिका अध्यक्ष भेषराज पराजुलीलाई हस्तान्तरण गरिएको अन्य सामाग्रीहरुमा चारवटा ल्यापटप, ५० वटा झोला, ५० दर्जन कपी, कलम, साउण्ड सिस्टम, मल्टिमिडिया प्रोजेक्टर र भलिवल, वास्केटवल, फुटवल, नेट चार–चार थान रहेका छन् । यसैगरी व्याडमिण्टन लगायतका अन्य सामाग्री समेत उनीहरुले विद्यालयलाई प्रदान गरेका छन् । कक्षा ११ र १२ मा अध्ययन गर्ने छात्र–छात्राका लागि छात्रवृत्ति प्रदान गर्न उनीहरुले एकलाख ६२ हजार रुपैयाँ नगद समेत हस्तान्तरण गरेको अध्यक्ष पराजुलीले गोल्डेन न्यूज दैनिकलाई जानकारी दिए । मगलबार विद्यालयमा आयोजित एक समारोहमा विद्यालय व्यवस्थापन समिति, शिक्षक तथा कर्मचारी र विद्यार्थीहरुका साथै स्थानीय अभिभावकहरुले नमस्ते हेल्थ एजेन्ट जर्मनीका सदस्यहरुलाई फूलमालाले स्वागत गरेको विद्यालयका शिक्षक गणेशप्रसाद दाहालले जानकारी दिए ।