पोखरा पिस क्लवको रक्तदान

पोखरा पिस क्लवको आठौं स्थापना दिवसका अवसरमा पोखरा पिस क्लवले सोमवार आयोजना गरेको रक्तदान कार्यक्रममा ३६ युनिट रगत संकलन गरिएको छ । नेपाल रेडक्रस सोसाइटी जिल्ला शाखा कास्कीका उपसभापति डण्डराज शर्माले पहिलो रक्तदाता क्लवका सदस्य श्रीराम के.सी.लाई ब्लड ब्याग हस्तान्तरण गरी उद्घाटन गर्दै रक्तदान जस्तो महान कार्यमा पोखरा पिस क्लवले पु¥याएको योगदानको प्रशंसा गरे ।  कार्यक्रममा नेपाल रेडक्रस सोसाइटी उपशाखा पोखरा ७, मासबार आमा समूह, पुष्पलाल स्मृति पार्क, किसान जागरण बहुमुखी सहकारी संस्था, शान्तिनगर टोल विकास संस्था, अभियान युवा क्लव लगायतले सहयोग गरेका थिए । २०६३ साल भाद्र ३० गते स्थापित पोखरा पिस क्लवले सामाजिक विकृति र विसंगतिका विरुद्ध तथा खेलकुद क्षेत्रमा महत्वपूर्ण योगदान पु¥याउँदै आएको छ । क्लवका अध्यक्ष दामोदर बरालको अध्यक्षतामा सम्पन्न उक्त कार्यक्रमको संचालन सचिव प्रताप आचार्यले गरेका थिए ।