नाट्टा पश्चिमाञ्चल क्षेत्रीय संघ पोखराले मुटुरोग सम्बन्धी निःशुल्क स्वास्थ्य जाँच शिबिर आयोजना गर्ने भएको छ । शहीद गंगालाल राष्ट्रिय ह्दय केन्द्र तथा ग्राण्डी अन्तर्राष्ट्रिय अस्पतालका वरिष्ठ मुटुरोग विशेषज्ञहरु साथै पोखराका मुटुरोग सम्बन्धी बिशेषज्ञ डाक्टरहरुको बिशेष सहयोगमा उक्त कार्यक्रम हुन लागेको नाट्टाले जनाएको छ । विजया दशमी तथा शुभ दिपावली २०७१ एवं ३५ औं विश्व पर्यटन दिवसको अवसरमा मुटुरोग सम्बन्धी निःशुल्क स्वास्थ्य जाँच शिबिर हुने भएको हो । शिविरमा पर्यटन सँग आबद्ध संघ संस्थाका सदस्यहरु, मजदुर लगायत सम्पूर्ण सर्बसाधारणको सहभागिता रहने छ । यही असोज ११ गते बिहान ७ः३० बजेदेखि लेकसाईडको डिहिकोपाटन मा शिविर आयोजना हुने भएको हो । शिविरमा सम्पूर्ण पोखरेली जनसमुदायलाई सहभागी भई स्वास्थ्य लाभ लिन नाट्टाले आग्रह गरेको छ । शिविरमा स्थास्थ्य जाँच गराउने बिरामीहरुका लागि ७ दिनको औषधि निःशुल्क तथा गरिबीको रेखा मुनि रहेका बिरामीहरुका लागि कुनै थप उपचार गर्न परे यस संघको सिफारिसमा शहिद गंलालाल ह्रदय रोग केन्द्रमा रु. एक लाख रुपयाँसम्मको उपचारमा छुट गराईने बताइन्छ । अन्य सर्वसाधारण बिरामीहरुको हकमा अबस्था हेरि यसै संघको सिफारिसमा २५ देखि ५० प्रतिशत छुट हुने व्यवस्था समेत संघले जनाएको छ । शिविरका संचालनका लागि नाट्टा पोखराका सल्लाकार मदन के.सी संयोजक, सह संयोजक संघका महासचिव सञ्जयकान्त सिग्देल रहेका छन् । साथै विभिन्न उपकमिटी समेत गठन गरिएको छ । जसअनरुप आवास तथा भोजनमा ध्रुबजित कुवँर, प्रचार प्रसारमा, हर्कबहादुर गुरुङ्ग, आर्थिकमा तुल्सीराम पोखरेल, स्वयंमसेवक परिचालनमा हरिराम अधिकारी, स्वागत तथा सम्मानमा पोमनारायण श्रेष्ठ र मञ्च व्यवस्थापनमा डिल्लीप्रसाद गौतम छन् ।
Post a Comment