ज्ञानुबाबको तीजगीत प्रतियोगितामा निलो समूह प्रथम

ज्ञानुबाबा आवासिय उ.मा.वि. मिरुवा–२ पोखरामा अन्तर्सदनात्मक तीज गीत प्रतियोगिता मंगलवार विद्यालयको प्राङ्गणमा सम्पन्न भएको छ । महिलाहरुको महान् पर्व हरितालिका तीजको अवसरमा आयोजना गरिएको अन्तर्सदनात्मक तीजगीत प्रतियोगितामा चार सदनका १२ समूहको सहभागिता रहेको थियो । सागर अधिकारीले नेतृत्व गरेको निलो सदन प्रथम, रोशनी चौधरीले नेतृत्व गरेको रातो सदन द्वितीय, सगुन शर्माले नेतृत्व गरेको हरियो सदन तृतीय, र सुप्रिया सवले नेतृत्व गरेको हरियो सदनले सान्तत्वना स्थान प्राप्त गर्न सफल भएका थिए । सो अवसरमा विद्यार्थीहरुले आ–आफ्नो संस्कृति झल्काउने भेष भूषा समेत प्रर्दशन गरेका थिए । विद्यालयका संस्थापक कृष्ण बहादुर गुरुङ, प्राचार्य दिनेश अर्याल अतिरिक्त विभाग प्रमुख बाबुराम सुवेदी लगायतले तीजको अवसरमा शुभकामना मन्तव्य राखेका थिए ।