एमाले प्रदेश कमिटीमा कार्यविभाजन र विभाग गठन

गोल्डेन न्यूज संवाददाता
नेकपा एमाले प्रदेश नं ४ को प्रथम बैठक विभिन्न निर्णय गर्दै सम्पन्न भएको छ । पार्टीका अध्यक्ष तथा पूर्व प्रधानमन्त्री केपी शर्मा ओलीको प्रमुख आतिथ्यतामा कास्कीको रुपाकोट स्थित रुपाकोट रिसोर्टमा भएको वैठकले कमिटीको कार्य बिभाजन  र विभिन्न विभाग गठन गरेको छ । बैठकले कमिटी सचिवमा वैकल्पिक पोलिटव्युरो सदस्य तथा गण्डकी अञ्चलका निर्वतमान सयोजक जगत विश्वकर्मालाई चयन गरेको छ । पार्टीको प्रादेशिक कार्यलय पोखरामा खोल्ने र कार्यलय सचिवको जिम्मेवारी केन्द्रीय कमिटीका वैकल्पिक सदस्य तथा कास्की इञ्चार्ज मानबहादुर जिसीलाई दिने निर्णय गरेको सचिव तथा प्रचार विभाग प्रमुख जगत विश्वकर्माले जानकारी दिए । पार्टीको केन्द्रीय कमिटीमा प्रतिनिधित्व गर्ने प्रदेश कमिटीका सदस्यहरु रहेको १३ सदस्यीय सचिवालय गठन गरेको छ ।
 

सचिवालयमा स्थायी समिति सदस्य तथा प्रदेश संयोजक किरण गुरुङ, पोलिट व्युरो सदस्य तथा सहसंयोजक गणेश तिमिल्सिना, जगत विश्वकर्मा, मायानाथ अधिकारी, पद्मा अर्याल, मानबहादुर जिसी, भुपेन्द्र थापा, प्रतापलाल श्रेष्ठ, रामशरण बस्नेत, तिलक महत, सीता सुन्दास गोविन्द नेपाली र मना केसी रहेका छन  । बैठकले विभिन्न विभाग गठन गरेको छ । पार्टी स्कुल विभाग प्रमुखमा प्रदेश संयोजक किरण गुरुङ, संगठन विभाग प्रमुखमा सह संयोजक गणेश तिमिल्सिना, स्थानीय विकास विभाग प्रमुखमा मायानाथ अधिकारी, मोर्चा संगठन प्रमुखमा पद्मा अर्याल र आर्थिक विभाग प्रमुखमा मान बहादुर जिसी रहेका छन । प्रदेशको समग्र विकास निर्माण र समृद्धिको लागि दिर्घकालिन योजना तयार पार्न  प्रदेश संयोजक किरण गुरुङको संयोजकत्वमा कार्यदल गठन गरेको छ । कार्यदलको सदस्यहरुमा जमिन्द्रमान घले, विकास लम्साल, जनक पौडेल, त्रिपल पी गुरुङ र राधा महत रहेका छन । पार्टीमा जिम्मेवारी विहिन नेता तथा कार्यकर्तालाई उचित जिम्मेवारी दिन सह–संयोजक गणेश तिमिल्सिना संयोजकत्वमा कार्यदल गठन गरेको छ ।
 

प्रदेशका ११ जिल्लाका इञ्चार्ज र सह–इञ्चार्ज र जिल्ला अध्यक्ष समेत रहेको कार्यदलले रोष्टर तयार गरेर जिम्मेवारी प्रदान गर्दै जाने भएको छ । बैठकले जिल्ला कमिटीका अध्यक्षहरु सम्बन्धित जिल्ला, राष्ट्रिय प्रतिनिधि परिषदका पूर्व सदस्यहरुलाई सम्बन्धित निर्वाचन क्षेत्र र महिला तथा दलित क्षेत्रबाट निर्वाचितलाई सम्बन्धित जिल्लाको सम्बन्धित फाँट हेर्ने जिम्मेवारी दिएको छ । स्थानीय तह पुनर्सरचनाको अहिले सम्म भई रहेको यथार्त विवरण सान्दर्भिकता भए नभएको विश्लेषण गर्न स्थानीय विकास विभाग प्रमुख मायानाथ अधिकारीको संयोजकत्वमा कार्यदल गठन गरेको छ । प्रदेशका ११ जिल्लाका अध्यक्ष सदस्य रहेको कार्यदलले यथाशीघ्र प्रतिवेदन पेश गर्ने भएको छ । नवल परासी जिल्लाको प्रदेश नं ४ मा रहेको नवलपुर क्षेत्रका जिल्ला कमिटीका सदस्यहरु रहेको संगठन कमिटी गठन गर्ने भएको छ । जिल्ला कमिटी अध्यक्ष रोशन गाहाको संयोजकत्वमा नवलपुर जिल्ला संगठन कमिटी निर्माण हुन लागेको हो । बैठकमा महासचिव ईश्वर पोखरेल, सचिव तथा संगठन विभाग प्रमुख पृथ्वीसुब्बा गुरुङ लगायतले बोलेका थिए ।