मगर फिल्मकी नायिका यरुना पुन (नेहा) को हत्या अभियोगमा पक्राउ परेका शतिस भन्ने कीर्तन खड्गीलाई हदैसम्मको कार्वाही हुनुपर्ने भन्दै पुनका आफन्तले सोमबार दिनभर कास्की जिल्ला अदालत परिसर धर्ना दिए । हत्या अभियोगमा पक्राउ परेका खड्गीको कास्की जिल्ला अदालतभित्र थुनछेक बहस चलिरहँदा उनीहरुले अदालत परिसर बाहिर धर्ना दिंदै विरोध गरेका हुन् । धर्ना र विरोध कार्यक्रममा उनीहरुले ‘हत्यारालाई कार्वाही गर, महिला हिँसा अन्त्य गर, मान्छे मार्न पाइँदैन, अन्य हत्यारालाई सार्वजनिक गर’ लगायतका नारा लगाएका थिए । पुनको हत्यामा उचित न्याय नपाइञ्जेल सम्म आन्दोलन जारी रहने विरोध कार्यक्रममा उपस्थित नेहाका आफन्त तथा महिला अधिकारकर्मीको भनाइ थियो । अदालत परिसरमा हत्या आरोपमा पक्राउ परेका खड्गीका आफन्त समेत ठूलो संख्यामा जम्मा भएका थिए । यसरी दुई पक्षबीच जम्काभेट हुदाँ सामान्य झडप समेत भएको थियो । स्थितिलाई सामान्य बनाउन प्रहरीलले सामान्य बल प्रयोग गर्नु प¥यो । कुनै अप्रिय घटना हुन नदिन अदालत परिसर भित्र र बाहिर कडा सुरक्षा व्यवस्था गरिएको थियो । सडकमानै बसेर विरोध गरेका कारण त्यस क्षेत्रमा केहि समय सडक समेत अवरुद्ध हुन पुग्यो । खड्गीका आफन्त भने पुनका आफन्तले नारावाजी गरे लगत्तै तितर–वितर भएका थिए ।
यसैबीच खड्गीलाई जबरजस्ती करणी र कर्तव्य ज्यान को अभियोगमा कास्की जिल्ला अदालतमा मुद्धा दर्ता गराइएको छ । उक्त्त मुद्धामा कास्की जिल्ला अदालतका न्यायाधीश शेखरप्रसाद पौडेलको इजलासमा सोमबार थुनछेक बहस चलेको थियो । थुनछेक बहस नसकिएकोले खड्गीलाई मंगलबार पुनः अदालतमा पेश गर्ने गरी जिल्ला प्रहरी कार्यालय कास्कीमा पठाइएको छ ।
सोमबार वादीको तर्फबाट जिल्ला न्यायाधिबक्ता गंगा प्रसाद पौडेल, जाहेरवालाको तर्फबाट सुरेन्द्र थापामगर र सरिता थापाले बहस गरेका थिए । वादीका तर्फबाट विनिता नेपाली, शोभा पौडेल, सरला कुमारी पाण्डे र प्रतिवादीको तर्फबाट अधिवक्ता दुगे्रसराज पन्तको बहस बाँकी नै रहेकोले बाँकी बहस गरि मगंलबार थुनछेक आदेश हुने कास्की जिल्ला अदालतका स्रेस्तेदार दिनवन्धु बरालले जानकारी दिए ।
Post a Comment