झोला चलत्रिको च्यारिटी शो

पोखरा–८ स्थित सृजना उच्च मा.वि मा गठन भएको नेपाल जुनियर रेडक्रस सर्कलमा सदस्य विद्यार्थीहरुको सक्रियमा शुक्रबार विन्दुवासिनी चलचित्र हलमा सति प्रथामा आधारित चलचित्र ‘झोला’ को च्यारिटी गरिएको छ ।  च्यारिटी शोबाट प्राप्त हुने आम्दानी विद्यालयमा आगामी माघ १५ र १६ गते आयोजना हुने प्राथमिक उपचार सम्बन्धी २ दिने आवसीय तालिम कार्यक्रममा खर्च गरिने भएको छ । सर्कलका शिक्षक नायक तिलक प्रसाद काफ्लेले दिएको जानकारी अनुसार च्यारिटी गर्नुको उद्देश्य नयाँ पिढीहरुलाई पुरानो नेपाली समाज कस्तो थियो, सतिप्रथा, कमैया, प्रथा र महिलाको अवस्था कस्तो थियो भनि जानकारी गराउनु हो । विद्यालयमा आयोजना हुने कार्यक्रमका लागि अर्थ सङ्कल गर्न पनि च्यारिटी शो गरिएको सर्कलका अध्यक्ष सरोज गिरीले बताए । चलचित्र हेरिसकेपछि प्रतिक्रिया दिदैँ विद्यालयका सामाजिक शिक्षक अभिषेक कुँवरले चलचित्र धेरै उत्कृष्ट छ । यसले विद्यार्थी लगायत जो त्यति सति प्रथाको बारेमा जान्न चाहन्छन्। त्यस्ता व्यक्तिहरुलाई चलचित्रले धेरै राम्रो सन्देश दिएको स्पष्ट पारे । उनले विद्यार्थीहरुले किताबमा पढेको आधारमा भन्दा प्रत्यक्ष चलचित्र हेरेरै राम्रो ज्ञान हासिल गरेको बताए ।