भाष्कर मेमोरियलमा हिज्जे

गोल्डेन न्यूज संवाददाता

पोखरा–११ फूलबारीमा रहेको भाष्कर मेमोरियल स्कूलमा गणित हिज्जे प्रतियोगिता सम्पन्न भएको छ । विभिन्न रचनात्मक कार्यक्रमले विद्यार्थीको मनोभावना परिवर्तन हुने भन्दै स्कूलले हिज्जे प्रतियोगिता गर्दै आएको छ । कक्षा ८ की छात्रा रचना बाँस्तोलाको अध्यक्षतामा सम्पन्न प्रतियोगिताका प्रमुख अतिथि विद्यालयका संस्थापक प्रिन्सिपल विश्वराज बाँस्तोलाले विद्यार्थीमा निखारपन ल्याउनका लागि प्रभावकारी हुने बताएका थिए । प्रमुख अतिथि बाँस्तोलाले हिज्जे प्रतियोगिता मात्र होइन विद्यार्थीको चौतर्फी विकासका लागि स्कूलले शैक्षिक स्तरका प्रभाकारी योजनाका साथ कार्यक्रम दिन विद्यालयलाई आग्रह गरेका थिए । प्रतियोगितामा निलो सदनका विश्वराज घिमिरे, अस्मिता अधिकारी र सिजन पौडेलले प्रथम स्थान प्राप्त गरेका थिए भने हरियो सदनका विनित बास्तोला, श्रेया गुरुङ, र पुष्पा बाँस्तोलाले दोस्रो स्थान हाँसिल गरेका थिए । क्वीज मास्टर वसन्तदीप गुरुङ र गोविन्द थापाको सञ्चालनमा रहेको उक्त प्रतियोगितामा रातो सदनका आशिष आचार्य, सन्ध्या बाँस्तोला र रिया सुनारले तृतीय स्थान हाँसिल गरेका थिए । विद्यालयका शिक्षक सूर्य भट्टराई र किशोर मल्ल निर्णायकको भूमिका निर्वाह गरेका थिए ।