गीता मन्दिरमा पूजा

गोल्डेन न्यूज संवाददाता

नेपाल ज्योतिष परिषद्को आयोजनामा मंगलबार गीता मन्दिर रामघाट पोखरामा पूजा सम्पन्न गरिएको छ । विश्व शान्ति एवम् समस्त जगत् कल्याण हेतु एक वैदिक शास्त्र सम्मत पूजा पाठ सम्पन्न गरिएको हो । यही २०७२ वैशाख १२ को विनाशकारी भूकम्प र त्यसपछिका पराकम्पनबाट देशमा पुगेको जनधनको क्षतीको जस्तो अवस्था पुनः नआओस् भन्ने कामनाका साथ भूमि पूजा गरिएको हो। उक्त कार्यक्रममा भागवत पाठ, चण्डी सम्पुट पाठ, रुद्राभिषेक, गीता पाठ, बराह पूजन, शान्तिकाध्याय पाठ, महाकाल शनिमृत्युञ्जय पाठ, होमन शास्त्रसम्मत सम्पन्न गरिएको थियो । उक्त पूजन कार्यमा विश्व हिन्दू महासंघका उपाध्यक्ष वेदनीधि अधिकारी एवम् भूवानीप्रसाद बराल रहेका थिए। पूजा ज्यो पं. केदारप्रसाद लम्साल एवम् बासुदेव सुवेदीको आचार्यकत्वमा सम्पन्न भएको हो । ज्योतिर्विद मनोहरि त्रिपाठीको संयोजकत्वमा सम्पन्न उक्त पूजामा ज्यो पं. नारायणप्रसाद बराल, रामप्रसाद कोइराला, होमनाथ पोखरेल, ठाकुरप्रसाद शास्त्री, रामेश्वर अधिकारी, मोहराज ढकाल, तोयनाथ पौडेल, रामजीप्रसाद आचार्य, बाबुराम सापकोटा, धर्मराज सापकोटा, तोयनाथ आचार्यलगायतले पाठपरायण गरेका थिए