गोल्डेन न्यूज संवाददाता
पोखराको नयाँबजारमा रहेको कुँवर प्रदर्श एण्ड सन्सले पुनः होण्डा एक्सचेञ्ज मेला आयोजना गरेको छ । संस्थाले यहि असार ९,, १० र ११ गते तीन दिन मोटरसाइकल एक्सचेञ्ज मेला आयोजना गरेको हो । संस्थाले यसअघि धेरै पटक यस्तो मेला आयोजना गर्दै आएको थियो । मेलामा मोटरसाइकलका पारखीहरुको ठूलो मेला लाग्ने गर्दछ । अहिले पनि ग्राहकको आग्रह बमोजिम नै मेला आयोजना गरिएको संस्थाले जनाएको छ । विशेष गरि सबै कम्पनीका पुराना मोटरसाइकलसंग नयाँ होण्डा मोटरसाइकल साटफेर गर्न सक्ने भएकाले पनि मेला लोकप्रिय हुँदै आएको छ । पोखरामा होण्डाका साथै अन्य कम्पनीका उत्पादनका लागि समेत मेला आयोजना हुँदै आएका छन् । होण्डाको उत्पादन आफैमा गुणस्तरीय हुनुका साथै उच्च रिसेल भ्यालु, फ्रि चेकअप क्याम्प, प्रि, सर्भिसका कारणले समेत होण्डाका उत्पादनले लोकप्रियता आउदै आएको पोखराका लागि आधिकारिक विक्रेता कुँवर व्रदर्श एण्ड सन्सले जानकारी दिएको छ । मेलामा मोटरसाइकल किन्ने ग्राहकका लागि यातायात कर छुट र हेल्मेट समेत निःशुलक उपलव्ध गराइने कम्पनीले बनाएको छ ।
Post a Comment