सामुदायिक प्रहरी सेवाद्वारा टुंडिखेलमा सरसफाई

सामुदायिक सेवा केन्द्र एवम् सामुदायिक प्रहरी सेवा पोखरा–१ वगरले शनिबार सरसफाई कार्यक्रम सम्पन्न गरेको छ। वडा प्रहरी कार्यालय वगरको समन्वयमा वगर टुडिखेलमा सरसफाई गरिएको सामुदायिक सेवक केन्द्र एवम् सामुदायिक प्रहरी सेवा वगरकी अध्यक्ष जीवन अधिकारीले जानकारी दिईन् । टुडिखेल आसपासमा धेरै फोहोर भएको कारण तत्काल सरसफाईका कार्यक्रम आयोजना गरिएको उनले जानकारी दिईन् । कार्यक्रममा प्रमुख अतिथि वडा प्रहरी कार्यालय वगरका प्रमुख प्रहरी निरिक्षक  अमरबहादुर थापाले झाडी काटी उद्घाटन गरेका थिए । कार्यक्रममा बोल्दै उनले टोल सरसफाईमा टोल वासीनै सक्रिय हुनु पर्ने बताए । सरसफाईमा वडा प्रहरी कार्यालय वगर सामुदायिक सेवा केन्द्र एवम् सामुदायिक प्रहरी सेवा वगरका पदाधिकारीहरुको सहभागिता रहेको थियो । सामुदायिक सेवा केन्द्र एवम् सामुदायिक प्रहरी सेवा पोखरा–१ वगरकी अध्यक्ष जीवन अधिकारीको अध्यक्षतामा कार्यक्रम सम्पन्न भएको थियो ।