नमस्तेको सहयोग

रानीपौवा निवासी मृगौला पीडित सुवास परियारलाई नमस्ते नेपाल हातेमालो सहयोगी संस्थाले सहयोग गरेको छ । संस्थाका उपाध्यक्ष हिमाल शर्मा र सदस्य गणेश जिसीले ५० हजार पाँच रुपैयाँ पीडित परियारलाई हस्तान्तरण गरेका हुन् । वैदेशिक रोजगारीमा विदेश गएर कुक सम्बन्धी काम गर्दै आफ्नो परिवार पाल्दै आएका उनी विगत पाँच महिनादेखि  उपचाररत छन् । झण्डै दुई महिना विदेशमै उपचार गरेका उनी कक्षा १२ को परीक्षा दिएर बसेको बेला विदेश हानिएका थिए ।  हाल पोखराको मणिपाल शिक्षण अस्पतालमा हप्तामा दुईपटक इायलोसिस गराइरहेका छन् । आम्दानीको स्रोत सिलाइ बुनाइ मात्र रहेकोले नियमित डायलोसिस गर्न र जिविकोपार्जन गर्न उनलाई समस्या परेको छ । परियारको उपचारमा सहयोग पुगोस् भन्ने हेतुले रकम प्रदान गरेको नमस्ते नेपाल हातेमालो सहयोगी संस्थाका सदस्य गणेश जिसिले बताए । दुवै मृगौलाले काम गर्न छोडेपछि आर्थिक अभावमा जीवन मृत्युको दोसाधमा बाचिरहेका उनलाई बचाउनका लागि सुवास परियार बचाउ अभियान सञ्चालन गरी सहयोग संकलन समेत गर्दै आएको छ ।