
जीतसँगै दुई खेलमा चार अङ्क जोडेको सहाराको समूहको शीर्ष स्थानमा उक्लिएको छ । दुई खेलमा अङ्क जोड्न नसकेको इन्द्रेणी समूहको पुछारमा छ । सो खेलमा सहाराका सन्तोष अर्यालले एलोकार्ड पाएका थिए । सोही समूहअन्तर्गत गार्डेन एफसी र नयाँगाउँ युथ क्लबबीचको दोस्रो खेल एक–एक गोलको बराबरीमा टुङ्गियो । सुविन गुरुङले पहिलो गोल गर्दै टीमलाई अग्रता दिलाए पनि अन्तिम समय सम्हालिन नसक्दा पेनाल्टीमा गोल खाँदै गार्डेनले अङ्क बाँड्न बाध्य भयो। बराबरीसँगै गार्डेनले चार जोड्दै दोस्रो स्थानमा झरेको छ भने नयागाउँले दुई अङ्कसहित तेस्रो स्थानमा छ ।
यसैबीच रेफ्रीले निर्धारित समयभन्दा कम खेल खेलाएको भन्दै पोखरा भ्याली स्पोर्टस् क्लबले गुनासो गरेको छ । क्लबका उपाध्यक्ष नरेन्द्र (राजु) गुरुङले बिहीबार भएको पोखरा भ्याली स्पोर्टस् क्लब र नवआदर्श क्लबबीचको तेस्रो खेल पाँच मिनेटअगावै टुङ्गयाइदिएको गुनासो गरे । उनले रेफ्री राजेन्द्र तामाङले ७० मिनेटमो निर्धारित खेललाई दोस्रो हाफमा ३० मिनेटमा टुङ्गयाइदिएको आरोप लगाए । उनले रेफ्री (राजेन्द्र) सँग जिज्ञासा राख्दा उनले विपक्षी मेनेजरले छिटो सकाइदिनु भनेकोले छिटो सकाएको जवाफ दिएको बताए । उपाध्यक्ष गुरुङले भने–‘मैलै विपक्षीलाई मात्र सोधेर हुँदैन हामीलाई पनि सोध्नुपर्छ नि भनेर जवाफ फर्काउँदा रेफ्रीले चित्त नबुझे मिडियामा जान सुझाव दिए ।’
Post a Comment