पोखरा–६ लेकसाइड स्थित साइनिङ स्टार आ.मा.वि.मा वार्षिक खेलकुद कार्यक्रम सम्पन्न भएको छ । मंसिर ३, ४ र ५ गते गरी त्रिदिवसीय रुपमा सम्पन्न खेलकुद कार्यक्रममा प्रिप्राइमरी, प्रा.वि., निमावि र मावि गरी २१ वटा विधामा प्रतिस्पर्धा गरेका थिए ।व्यक्तिको शारीरिक, मानसिक एवम् नैतिक विकासको आधारः खेल मन्ने मूल नाराका साथ संचालित उक्त खेलकुद कार्यक्रमको समापन समारोहको संचालन कृष्ण गिरीले गरेका थिए । अभिभावकलाई समेत विशेष खेलकुद कार्यक्रमको व्यवस्था गरिएको कार्यक्रममा स्वागत शिक्षक अनुप बरालले गरेका थिए । विधागत रुपमा उत्कृष्ट हाउस समेत घोषणा गरिएको उक्त कार्यक्रममा बेगनास हाउस प्रथम, तिलिचो हाउस द्वितीय, फेवा हाउस तृतीय तथा रारा हाउस चतुर्थ हुन सफल भएका थिए । सह–क्रियाकलाप विभाग प्रमुख रोशन जिसीको संयोजकत्वमा भएको कार्यक्रम विद्यालयका प्रअ नारायण प्रसाद पाण्डेको अध्यक्षतामा भएको थियो । प्रतियोगितामा उत्कृष्ट खेलाडीहरुलाई पुरस्कार तथा प्रमाणपत्र विद्यालयको वार्षिकोत्सव को अवसरमा वितरण गरिने विद्यालयका स.प्र.अ.अर्जुन प्रसाद पाण्डेले जानकारी दिए ।
Post a Comment