हरियो खर्क अस्पतालका बिरामीलाई फलफूल

कास्कीको हेमाजा गाविस वडा नं.८ निवासी केशवशरण पौडेल र माधवशरण पौडेलले विहिबार पोखराको हरियो खर्क अस्पताल तथा पुनस्र्थापना केन्द्रका विरामीहरुलाई फलफूल वितरण गरेका छन् । पौडेलद्वयकी आमा स्वर्गीय राधादेवी पौडेलको १५आंै दिनको पुण्य तिथि पारेर फलफूल वितरण गरिएको हो । उनीहरुले हरियो खर्क अस्पताल तथा पुनस्र्थापना केन्द्रमा नै पुगी त्यहाँका बिरामीलाई फलफूल वितरण गरेका थिए । उनीहरुले करिब ५० किलो स्याउ अस्पताल प्रशासनको सहयोगमा वितरण गरेका हुन् । आफ्नी स्वर्गीय आमाको मृत आत्माको चिर शान्तिको कामना गर्दै र अस्पतालमा उपचार्थ विरामीको शीघ्र स्वास्थ्य लाभको कामना होस भन्ने उद्देश्यले फलफूल वितरण गरिएको केशवशरण पौडेलले जानकारी दिए । आमाको आत्माको चिरशान्ति र विरामीको स्वास्थ्य लाभको कामना गर्दै फलफूल वितरण गरेका हौ पौडेलले भने–यसरी अस्पतालमा नै आएर फलफूल वितरण गर्न पाउँदा निकै आनन्दित भएका छांै ।