नेपालीहरुको दोस्रो ठूलो पर्व शुभदीपावली–२०७१ को अवसर पारेर नेकपा एमाले क्षेत्र नं.३ र पोखरा विशेष नगर इलाका कमिटी क्षेत्र नं.३ को संयुक्त आयोजनामा शुभकामना आदान–प्रदान तथा चियापान कार्यक्रम आयोजना गर्ने भएका छन् । नेकपा एमाले क्षेत्र नं.३ को १३औं पूर्ण बैठक कमिटीका अध्यक्ष धनबहादुर नेपालीको अध्यक्षतामा बसेको बैठकले सो निर्णय गरेको हो । कार्तिक ५ गते बिहान आयोजना गरिने शुभकामना आदान–प्रदान कार्यक्रमलाई व्यवस्थित बनाउन विभिन्न तयारीहरु भइरहेका छन् । बैठकमा नेकपा एमाले कास्कीका अध्यक्ष कृष्ण थापा, सचिव दामोदर बैरागी, क्षेत्र नं.३ का संयोजक युवराज पौडेल, जिल्ला कमिटी सदस्य उमा कोइराला लगायतले समसामयिक विषयमा मन्तव्य व्यक्त गरेका थिए । बैठकले माघ ८ गते तोकिएको समयभित्रै नेपालको लोकतान्त्रिक संविधान घोषणा गर्नुपर्नेमा जोड दिएको छ ।
Post a Comment