राष्ट्रिय बाल दिवसका अवसरमा लेखनाथ–९, बेगनास तालस्थित डायमण्ड मोडेल स्कुलमा अन्तर विद्यालय वक्तृत्वकला प्रतियोगिता आइतबार सम्पन्न भएको छ । विद्यालयमा क्रियाशील डायमण्ड मोडेल स्काउट टूूपको आयोजनामा ‘बालमैत्री शिक्षा ः आजको आवश्यकता’ शीर्षकमा भएको प्रतियोगितामा जनप्रिय उच्च माविका मनोज अर्याल, सैनिक आवासीय महाविद्यालयका विशाल लामिछाने र डायमण्ड मोडेलकी सबिना श्रेष्ठ व्रmमशः पहिलो, दोस्रो र तेस्रो भएका थिए । विद्यालयका प्राचार्य एवम् एकाइ अध्यक्ष कमलराज अधिकारीको अध्यक्षतामा भएको कार्यक्रममा प्रमुख अतिथि साहित्यकार प्रकट पगेनी ‘शिव’ले विद्यालयीय जीवनमा सिकेका कुराले नै व्यक्तिको जीवनको मोड निर्धारण गर्ने बताए । आफ्नो विद्यार्थी जीवनको अनुभव सुनाउँदै उनले सात तालको सहर लेखनाथ नगरपालिकामा शिक्षा र साहित्यको विकासका लागि विद्यालयीय तहबाटै पहल गर्नुपर्नेमा जोड दिए । नेपाली भाषा शिक्षक परिषद कास्कीका अध्यक्ष लोकचन्द्र खनालको संयोजकत्वमा साहित्यकारद्वय सञ्जीव पौडेल र रुपिन्द्र प्रभावी निर्णायक रहनुभएको कार्यव्रmममा स्काउ जिल्ला समन्वय आयुक्त धिरज थापा, केन्द्रीय पार्षद शिवबहादुर भण्डारी, स्काउट मास्टर अरुण शर्मा काफ्ले, विद्यालयका संस्थापक बलराम तिवारी लगायतले शुभकामना मन्तव्य राखेका थिए ।
रविना श्रेष्ठ र प्रियङ्का बुढाथोकीले सञ्चालन गर्नुभएको कार्यक्रममा पेट्रोल काउन्सिल लिडर अमृत अधिकारीले स्वागत गर्नुभएको थियो । डायमण्ड मोडेल स्काउट टूूपले हरेक वर्ष वक्तृत्वकला प्रतियोगिता आयोजना गर्दै आएको स्काउट मास्टर देविरमण तिवारीले जानकारी दि ।
Post a Comment