नगरविकास समितिका अध्यक्ष बाँस्तोलाले पर्यटन बसपार्कबाट बसहरु नछुटाइ आ–आफ्नै ठाउँबाट छुटाउने गरेको भन्ने प्रसङ्गमा केही बताउन चाहेनन् तर उनले सहमति कायम गर्न भनि ठेकेदार र पर्यटन व्यवसायी दुवै पक्षलाई वार्तामा राखेको सहमति हुन नसकेको जानकारी दिए । अब के गर्ने त ? भन्ने प्रश्नको उत्तरमा समेत बाँस्तोलाले केही बताउन चाहेनन् । नगरविकास समितिका सदस्य बजिरमान श्रेष्ठले पर्यटन बसपार्क ठेक्कामा दिइएपनि त्यहाँबाट प्राप्त हुने रकमको महत्वपूर्ण हिस्सा बसपार्कको पूर्वाधार विकासमा खर्च गर्न सकिने भएकाले विवादको विषय नबनाउन आग्रह गरेका छन् । यता, पर्यटन व्यवसायीहरु भने बसपार्क व्यवस्थित गर्न र सुविधा सम्पन्न बनाउनका लागि पर्यटन व्यवसायी संगनै सहकार्य गर्न आवश्यक रहेको बताउँछन् । वि.सं. २०६१ सालमा पनि पर्यटन बसपार्क संचालन गर्नका लागि सम्पूर्ण प्रक्रिया पूरा गरी ठेक्कामा दिइएको तर पर्यटन व्यवसायीको आग्रह अनुसार ठेक्का रद्ध गरिएका कारण यसपटक पनि त्यसै गर्दा उपयुक्त हुने उनीहरु बताउँछन् । पर्यटन व्यवसायीको संस्थालाई संचालन गर्न दिएमा बसापर्कलाई अन्तर्राष्ट्रिय स्तरको बनाउन समेत पहल गरिने व्यवसायीको भनाइ छ ।
Post a Comment