एउटा नया“ आशा बजारमा

गोल्डेन न्यूज संवाददाता

स्वर सुन्दरमणि गायक कर्ण दासले आफ्नो सांगीतिक यात्राको दश बर्ष पछिको अन्तरालमा फेरी अर्को नयाँ एल्बम “एउटा नयाँ आशा” दर्शक तथा श्रोतालाई पस्केका छन् । म्यूजिक नेपालको प्रस्तुतिमा गायक कर्ण दासको “एउटा नयाँ आशा” गीति एल्बममा १२ वटा गीतहरु समावेस गरिएका छन् । एल्बममा समावेश १२ वटा गीतहरु मध्ये एस.टु. प्रोडक्सनले निर्माण गरेको “हाम्रो नेपाल” शीर्षकको राष्ट्र प्रेमी गीतको भिडियो युट्युब र टेलिभिजन मार्फत सार्वजनिक गरिएको छ । नेपाल प्राकृतिक शुन्दरताले भरिपूर्ण देश हो, यहाँका बिभिन्न क्षेत्रका सुन्दर दृश्यहरुलाई कलात्मक तरिकाले भिडियोमा समावेस गरिएको छ । बिशेष गरि पोखरा र आसपासका क्षेत्र, निर्मलपोखरी कास्की, पुर्वको दमक, पर्वतको चित्रे र कुश्मा लगायतका ठाउँहरुमा छायाँङ्कन गरिएको गायक कर्ण दासले जानकारी गराए ।  राष्ट्र प्रेमी गीत भएकोले बिभिन्न सुन्दर ठाउहरुलाई गीतको माध्यमबाट समावेश गरिएकोले आफूले निर्माण गरेको भिडियो मध्ये फरक र उत्कृष्ट बनेको उक्त भिडियोका निर्देशक सुरज श्रेष्ठले दाबी गरे ।
छायाँङ्कन, सम्पादन र निर्देशन चर्चित फाटोग्राफर एवं सिनेमाटोग्राफर सुरज श्रेष्ठले नै गरेका हुन् ।