0
पोखरा २३ असार ।नेकपा माओवादी (केन्द्र) निकट प्रेस सेन्टर नेपाल कास्कीको अध्यक्षमा बिभु भुषाल निर्वाचित भएका छन् । सेन्टरको शुक्रबार पोखरामा सम्पन्न एकता अधिवेशनले भुषालको अध्यक्षतामा २१ सदस्यीय जिल्ला समिति सर्वसम्मतरुपमा चयन गरेको हो । समितिको ५ जना उपाध्यक्षहरुमा दीपक परियार, सन्देश श्रेष्ठ, घनश्याम पाण्डे, रोशनी गुरुङ र विश्व सुवेदी रहेका छन् । त्यसैगरि सचिवमा कृष्ण दवाडी, सह–सचिवमा भीम थापा र लक्ष्मी वि.क. र कोषाध्यक्षमा उमा आले भयन भएका छन्। समितिको सदस्यहरुमा सोनिया लामा, पुष्प दाहाल, प्रकाश अधिकारी, गीता राना, भुपाल कुमार गुरुङ, हेमराज अधिकारी, शोभा बराल, विनु थापा, सुशिला क्षेत्री, सुवु पाठक र मोतीबहादुर कार्की (परिर्वतन) छन् । अधिवेशनले केन्द्रीय पार्षदमा कृष्ण अञ्जान, शान्ति पोखरेल, रुपिन्द्र प्रभावी कटु, रामचन्द्र राई, हरि पराजुली, राधिका कँडेल, रविभूषण पराजुली, मिना कुमारी थापा र गणेश पौडेललाई निर्वाचित गरेको छ । साथै अधिवेशनले प्रदेश सम्मेलनका लागि २० सदस्य चयन गरेको छ । प्रेस सेन्टरका केन्द्रीय सल्लाहकार पदम रेग्मीको अध्यक्षतामा रहेको ३ सदस्यीय निर्वाचन मण्डलले जिल्ला समिति, केन्द्रीय तथा प्रदेश पार्षदको सर्वसम्मत रुपमा चयन गरेको हो । निर्वाचन मण्डलमा प्रेस सेन्टरका प्रदेश नं४ का संयोजक त्रिभुवन पौडेल तथा सह–संयोजक गोमा घिमिरे सदस्य रहेका थिए ।
प्रेस सेन्टरको नवनिर्वाचित जिल्ला समितिका पदाधिकारी, सदस्य तथा केन्द्रिय प्रतिनिधिहरु लाई नेपाल कम्युनिष्ट पार्टी माओवादी केन्द्रका पोलिटव्युरो सदस्य राजकाजी गुरुङ, केन्द्रीय सल्लाहकार कोमलनाथ बराल लगायतले वधाई तथा शुभकामना व्यक्त गरेका थिए । नवनिर्वाचित कार्यसमितिको पहिलो बैठक छिट्टै वसी सल्लाहकार चयन तथा संगठनका आगामी कार्ययोजनाहरु सार्वजनिक गर्ने नवनिर्वाचित अध्यक्ष विभु भुषालले जानकारी दिए ।
यसअघि एकता अधिवेशनको उद्घाटन गर्दै माओवादी केन्द्रकी प्रवक्ता पम्फा भुषालले सत्तारुढ दल नेकपा एमाले तथा माओवादी केन्द्र बीच भएको ९ वुुँदे तथा भद्र सहमति कार्यान्वयन गरिनुपर्नेमा जोड दिइन् । तराई मधेषका मागहरु सम्वोधन गर्न, भूकम्प पछिको पुनःनिर्माण, द्वन्द्वकालिन मुुद्धाहरुको समाधान तथा संविधानको कार्यान्वन गर्न दुई दलवीच भएको सहमतिको कार्वान्वयन गर्नुको विकल्प नभएको उनको भनाइ थियो । मुलुकमा विद्यमान समस्याहरु समाधान गर्न मुख्य राजनीतिक दलहरु मिल्नुको विकल्प नभएको भन्दै उनले  जुन राजनीतिक दलले सहमति जुटाउन सक्छ उसनै सरकारको नेतृत्व गर्ने बताइन ।
माओवादी केन्द्रका पोलिटव्युरो सदस्य राजकाजी गुरुङ (करण)ले विभिन्न समूहमा विभाजित माओवादी पार्टीहरु एकभएपछि आम कार्यकर्ता तथा जनमानसमा उत्साह थपेको भन्दै अव माओवादीको विजयका दिनहरु आएको बताए ।
सम्मेलन आयोजक समितिका संयोजक दिपक परियारको अध्यक्षतामा भएको उद्घाटन सत्रमा माओवादी केन्द्रका सल्लाहकार तथा प्रेस सेन्टरका सल्लाहकार कोमलनाथ बराल, प्रेस सेन्टरका केन्द्रीय सदस्य तथा प्रदेश नं ४ का ईन्चार्ज एलपी वञ्जारा, प्रदेश संयोजक त्रिभुवन पौडेल, सह–संयोजक रुद्र श्रीस, नेपाल पत्रकार महासंघका केन्द्रीय सदस्य सुस्मा पौडेल, पत्रकार महासंघ कास्की शाखाका अध्यक्ष रामकृष्ण ज्ञवाली, प्रेस युनियनका केन्द्रीय उपाध्यक्ष रमेश पौडेल, प्रेस चौतारी कास्कीका अध्यक्ष माधव बराल, क्रान्तिकारी पत्रकार संगठन कास्कीका अध्यक्ष माधव पनेरु, प्रेस सोसाईटी कास्कीका संयोजक आरजु विष्ट सल्यानी तथा प्रेस सेन्टरका केन्द्रीय सदस्य घनश्याम पाण्डे लगायतले आ–आफ्नो भनाइ राखेका थिए ।

Post a Comment

 
Top