चुनावमा सहयोग गर्नेलाई कार्कीद्वारा आभार व्यक्त

नेपाली कांग्रेस पोखरा उपमहानगर कार्यसमितिको सम्पन्न चुनावमा सभापति पदका प्रत्यासी बिमलबहादुर कार्कीले आफूलाई मत दिने सबैप्रति आभार व्यक्त गरेका छन् । मंगलवार एक प्रेस विज्ञप्ती जारी गर्दै आफूलाई मत दिने र नदिने सबै शुभेच्छुकप्रति धन्यवाद व्यक्त गरेका हुन् । उनले भनेका छन्,–“निर्वाचनमा म सभापति पदमा उमेदवार भै सम्मानजनक मत प्राप्त हुँदा हुँदैपनि केहि प्राविधीक पक्षको असावधानीका कारण उपविजेता बन्न पुगेपनि निर्वाचनलाई जित हारको रुपमा भन्दा पनि लोकतान्त्रिक मूल्य मान्यताको अभिन्न अंगका रुपमा लिई स–गौरव सम्मान गर्दछु ।” आफू पराजित भएपनि उनले कांग्रेसको नगर तथा गाउँ र वडा अधिवेसनबाट विजयी सबैलाई बधाईसमेत दिएका छन् । आफू पार्टीको नीति, निर्देशनभित्र रहि सदैव कार्य गरिरहने प्रणसहित कार्कीले आफ्नो स्थानबाट पार्टी र पार्टीका विभिन्न तहको नेतृत्वमा रहने अनि नरहने सबैलाई आफ्नो सहयोग रहने पनि प्रतिवद्धता व्यक्त गरेका छन् ।