नवदीपमा अङ्ग्रेजी हिज्जे

गोल्डेन न्यूज संवाददाता

नवदीप बोर्डिङ स्कुलमा सहक्रियाकलाप अन्तर्गतग निम्नमाध्यमिक स्तरीय अङ्ग्रेजी हिज्जे तथा प्रावि र मावि स्तरीय चिठी लेखन प्रतियोगिता सम्पन्न भएको छ  । प्रावि स्तरीय अङ्ग्रेजी चिठी लेखन प्रतियोगितामा हरियो सदनका युवराज थापा प्रथम, रातो सदनका आयोग बराल द्वितीय र पहेँलो सदनका अमृता गुरुङ तृतीय भएका छन्  । निर्णायकमा अङ्ग्रेजी शिक्षक दुर्गासिंह गुरुङ र श्रीमाया पुन रहेका थिए  । निमावि तह स्तरीय अङ्ग्रेजी हिज्जे प्रतियोगितामा हरियो सदनका पुजा लिम्बू, लक्ष्मण देसेमरु र रञ्जु सुब्बा प्रथम भएका छन्  । निलो सदनका सनम थापा, सुजन भट्टराई र आशिष थापाले द्वितीय स्थान प्राप्त गरेका छन्  ।  रातो सदनका सुवर्ण भट्टराई, स्वइच्छा पाण्डे र विनिता गुरुङ तृतीय हुन सफल भएका छन् । मावि स्तरीय अङ्ग्रेजी चिठी लेखन प्रतियोगितमा कक्षा ९ का अनिश परिया प्रथम, कक्षा ९ कै अरुण क्षेत्री द्वितीय र कक्षा १० का सुशान्त भट्टराई तृतीय हुन सफल भएका छन्  ।