भूकम्प पीडितलाई सघाउन कन्सर्ट

यही जेठ ३० गते शनिबार पोखरामा भूकम्प पीडित सहयोगार्थ लाइभ कन्सर्ट हुने भएको छ । देशमा गएको महाविनाशकारी भूकम्पले क्षति पुर्याएका घरधुरीहरुलाइ राहात बितरण गर्ने उद्देश्यले उक्त कन्सर्टको आयोजना गर्न लागीएको हो । महेनद्रपुल स्थित ओपन हाउस रेष्टुरेण्ट एण्ड लाउन्ज बारमा हुने उक्त कन्सर्टमा चर्चित ब्यान्ड कन्दराले आफ्नो प्रस्तुति राख्ने रेष्टुरेण्टका संचालक सुरेश गुरुङले बताए । पुनर्निर्माण र सहयोगका लागि एक हौ भन्ने उद्घोषका साथ आयोजना गरिएको उक्त कन्सर्टबाट उठेको रकम भूकम्प पीडितका लागि सहयोग गरिने छ । साँझ ७ बजेबाट शुरुहुने कन्सर्टमा कन्दरा ब्यान्डको विशेष प्रस्तुति रहने छ । पोखरा बैदाम सांगीतिक युवा क्लब को आयोजनामा हुन लागेको कन्सर्टलाइ ओपन हाउस रेष्टुरेण्टले प्रस्तुत गरेको हो ।