गोल्डेन न्यूज संवाददाता
पोखराको सृजनाचोक फिर्के स्थित सृजना उच्च मा.वि.मा छुनुमुनु बाल क्लव पुनर्गठन गरिएको छ । विद्यार्थीहरुको प्रतिभा प्रस्फुटन, बौद्विक विकास र क्षमता अभिवृद्धिको साथसाथै नेतृत्वको विकास गर्ने उद्देश्यका साथ गठन गरिएको बाल क्लबको अध्यक्षमा अश्मिी गुरुङ, उपाध्यक्षमा सिजन ओजा, सचिवमा विप्लब गिरी, सह सचिवमा रितिसा रानापाल, कोषाध्यक्षमा नम्रता चालिसे चयन भएका छन् । त्यस्तै सदस्यहरुमा अनुस्का सुवेदी, प्रसान्त अधिकारी, दिब्या शर्मा, रुवि कुँवर, सविना सिग्देल, भावना श्रेष्ठ, ऐलिना गुरुङ, रितिका पाठक, मनिषा आचार्य, डियल्सा गैरे, विन्दु चालिसे, आकाश सुवेदी, सञ्जिव गुरुङ, शरण कुमार भुजेल, आयुष मुल्मी, विराज शर्मा, साजन पौडेल, संगम पोख्रेल र अक्षता अधिकारी रहेको शिक्षक अभिषेक कुँवरले गोल्डेन न्यूज देनिकलाई जानकारी दिए ।विद्यालयका प्राचार्य डोलराज पाण्डेको अध्यक्षतामा कार्यक्रम भएको थियो । कार्यक्रममा प्राचार्य पाण्डेले विद्यार्थीहरुमा रहेको अन्त्तरनिहित प्रतिभा प्रस्फुटन गर्नका लागि यस्ता क्लबहरुले सहयोगी भूमिका खेल्ने विचार व्यक्त गरे । क्लबकी संयोजक शिक्षिका रिता आचार्यले छुनुमुनु बाल क्लबको परिचय दिदै आगामी दिनमा सञ्चालन गरिने विभिन्न कार्यक्रमहरुका बारेमा जानकारी दिइन । सो कार्यक्रमा शिक्षक÷शिक्षिकाको तर्फबाट सृजना तिवारी र सुरेन्द्र काफ्लले मन्तव्य राखेका थिए ।
Post a Comment