गोल्डेन न्यूज संवाददाता
पोखरा उप–महानगरपालिका वडा नं. ८ फिर्केमा रहेको सृजना उच्च माविमा नेपाली हिज्जे प्रतियोगिता सम्पन्न भएको छ । प्रतियोगितामा मावितर्फ निलो सदन प्रथम, हरियो सदन द्वितीय र पहेंलो सदन तृतीय भएको छ ।यसैगरी निमावितर्फ रातो सदन प्रथम, निलो सदन द्वितीय र हरियो सदनले तृतीय स्थान हासिल गरेका छन् । प्रावितर्फ २ चरणमा सम्पन्न कार्यक्रममा ४ र ५ को समूहबाट हरियो सदन प्रथम, पहेंलो सदन द्वितीय र हरियो सदन तृतीय भएको विद्यालयका शिक्षक अभिषेक कुँवरले गोल्डेन न्यूज दैनिकलाई जानकारी दिए । उनका अनुसार मावितर्फको कार्यक्रम संचालन अतिरिक्त क्रियाकलाप संयोजक सिमबाबु त्रिपाठीले गरेका थिए भने प्रावितर्फको कार्यक्रम संचालन नेपाली शिक्षिमा रीता आचार्यले गरेकी थिइन । विद्यालयमा आगामी शुक्रबार अंग्रेजी हिज्जे प्रतियोगिता हुने विद्यालयले जनाएको छ ।
Post a Comment