मिष्टर–मिस एसएलसीको फाइनल आज

गोल्डेन न्यूज संवाददाता

गोस्पेल मल्टी मिडिया प्रा.लि. ले पोखरामा पहिलो पटक आयोजना गरेको मिष्टर एण्ड मिस एसएलसी–२०१५ को फाइनल आइतबार हुँदैछ । पोखरा सभागृहमा मध्यान्ह् सुरु हुने सो प्रतिष्पर्धीमा सहभागी १८ जना युवायुवती उपाधि होडमा छन् । झण्डै एक महिना लामो विभिन्न तालिममा सहभागी गराएपछि उनीहरुलाई फाइनल प्रतिष्पर्धामा स्टेज उतार्न लागिएको कोरियोग्राफर रवीन्द्र बज्राचार्यले बताए । प्रतियोगितामा यस वर्षको एसएलसी परीक्षा दिएर बसेका विद्यार्थीहरुमात्र सहभागी छन् । जसमा कास्कीसहित तनहुँ, पर्वत, म्याग्दी लगायत जिल्लाको प्रतिनिधित्व छ ।विद्यार्थीहरुमा अन्तरनिहीत प्रतिभा प्रष्फुटन तथा व्यक्तित्व विकास गर्ने उद्देश्यका साथ सो प्रतियोगिता आयोजना गरिएको प्रालिका अध्यक्ष निरु पुनले जानकारी दिइन् । उनका अनुसार मिष्टर एण्ड मिसतर्फ दुबै विधामा उपाधि विजेता लगायत विधागत विजेतालाई नगद, ट्रफी, क्राउन साथमा थुप्रै गिफ्ट ह्याम्पर तथा पूर्णछात्रवृत्तिमा कम्प्युटर तथा नृत्य सिक्ने अवसर दिइनेछ । यसअघि गोस्पेल आइडल सम्पन्न गरिसकेको गोस्पेल मल्टी मिडिया प्रा.लि.ले समय समयमा विविध कार्यक्रम गर्दैआएको छ ।