0
यामाहा मिस नेवाः पोखरा ११३५ को प्रतिभा प्रस्फुटन कार्यक्रम पोखरामा सम्पन्न भएको छ । प्रतियोगितामा सहभागी १७ जना प्रतिस्पर्धीहरुले आफूमा अन्तर्निहीत प्रतिभालाई प्रस्तुत गरेका थिए । कार्यक्रममा प्रतिस्पर्धीहरु सगुन जोशी, आशा श्रेष्ठ, प्रिंयका जोजिजु, स्वस्तिका श्रेष्ठ ले नेवारी गीतमा नृत्य गरेका थिए । यसैगरि सुलोचना शाक्यले नेवारी समुदायमा प्रचलित तर लोपोन्मुख प्राचिन मञ्जुश्री नाच, श्रीया श्रेष्ठले मालाश्री धुनमा शास्त्रीय नाच, श्रीया बुद्धाचार्य र रिक्का मर्सानीले जीवित देबीका रुपमा पुजिने कुमारीको नाच प्रस्तुत गरेका थिए । अन्य प्रतिस्पर्धीहरुमा पुष्पा श्रेष्ठ, कृपा कतिला, बिभुषा नकर्मी, कञ्चन श्रेष्ठले वक्तृत्व कला प्रस्तुत गरेका थिए । यसैगरि सारा बजिमयले बाँसुरी बादन तथा मञ्जु ताम्राकारले खिन बजाएका थिए भने निलिमा श्रेष्ठले कविता र नविना श्रेष्ठले गीत गाएका थिए । कार्यक्रममा बोल्दै नेवा खल कास्कीका अध्यक्ष अशोक पालिखेले नेवारी मौलिक सँस्कृति, भाषा, भेषभुषा, कला रहनसहनको संरक्षण सम्बद्र्धन र नेवार समुदायका बारेमा युवतीहरुलाई यसवारे अवगत गराएका थिए

Post a Comment

 
Top