गोल्डेन न्यूज संवाददाता
चौथो राष्ट्रिय कर दिवसको सप्ताहव्यापी कार्यक्रमको अन्तिम दिन सोमबार बढी कर तिर्ने करदातालाई सम्मान गरिएको छ। आन्तरिक राजस्व कार्यालय पोखराको आयोजनामा भएको सो कार्यक्रममा आव २०७०÷७१ को आयविवरण, मूल्य अभिवृद्धि कर र स्वास्थ्य सेवा कर दाखिला गर्ने तथा करको बक्यौता नराख्ने गण्डकी र धवलागिरि अञ्चलका ११ करदातालाई पश्चिमाञ्चल क्षेत्रीय प्रशासक केदारबहादुर अधिकारीले सम्मान गरे। सम्मानित हुनेमा कास्कीबाट होटल ग्रान्ड, रोयल सहकारी र चरक मेमोरियल अस्पताल, तनहुँबाट बाराही आवासीय मावि, स्याङ्जाबाट न्यु सिद्धार्थ आयल स्टोर्स, पर्वतबाट सूर्योदय कन्टूक्सन कम्पनी, लमजुङबाट मेघा सप्लायर्स र वागलुङबाट सिओसी बचत तथा ऋृण सहकारी संस्था छन्। यस्तै मुस्ताङबाट निलगिरि डिस्ट्रिलरी उद्योग, म्याग्दीबाट मुक्तिनाथ इन्टरप्राइजेज प्रालि र गोरखाबाट सत्य साई हार्डवेयर एन्ड सप्लायर्स छन्।
यसैगरी आन्तरिक राजस्व कार्यालय भीमदत्तनगर, कञ्चनपुरले ६ जना करदातालाई आज सम्मान गरेको छ। सप्ताहव्यापी चौथो राष्ट्रिय कर दिवसको समापन समारोहका अवसर महाकाली अञ्चलमा सबैभन्दा बढी कर बुझाउने व्यवसायी तथा उद्योगीलाई सम्मान गरिएको हो।
यसैगरी आन्तरिक राजस्व कार्यालय भीमदत्तनगर, कञ्चनपुरले ६ जना करदातालाई आज सम्मान गरेको छ। सप्ताहव्यापी चौथो राष्ट्रिय कर दिवसको समापन समारोहका अवसर महाकाली अञ्चलमा सबैभन्दा बढी कर बुझाउने व्यवसायी तथा उद्योगीलाई सम्मान गरिएको हो।
Post a Comment