गोल्डेन न्यूज संवाददाता
नवलपरासी इन्जिनियरिङ विद्यार्थी समाजले बुधबार इन्जिनियरिङ अध्ययन संस्थान, पश्चिमाञ्चल क्याम्पस, पोखरामा आयोजना गरेको निःशुल्क आँखा शिविरमा चार सय ५० जनाको आँखा परीक्षण गरिएको छ। समाजले हिमालयन आँखा आस्पताल, घारीपाटन, पोखराको सहकार्यमा उक्त शिविर आयोजना गरेको हो। कार्यक्रममा पोखरा नवलपरासी सम्पर्क समाजका कार्यबाहक अध्यक्ष रामजी बराल, प्राध्याध्याकहरू चक्रपाणि उपाध्याय र नारायणप्रसाद दवाडीले बोलेका थिए । शिविरमा हिमालय आँखा अस्पतालका भोजराज गौतम, अप्थ्याल्मिक एसिस्टेन्टहरू पवित्रा गर्बुजा र चन्द्र सुवेदीले सहयोग गरेका थिए। नवलपरासी इन्जिनियरिङ विद्यार्थी समाजका अध्यक्ष विक्रम पौडेलको अध्यक्षतामा भएको कार्यक्रमको सञ्चालन प्रतीक्षा पोखरेलले गरेकी थिइन्।
Post a Comment