महेन्द्र माविमा वातावरण दिवस

पोखरा—१९ घार्मीमा रहेको महेन्द्र मा.वि मा विश्व वातावरण दिवसको अवसरमा विविध कार्यक्रम सम्पन्न भएको छ । विद्यालयमा अध्ययनरत कक्षा १० सम्म विद्यार्थीले विद्यालय वरपर सरसफाई गुर्नका साथै वातावरणीय संरक्षणका विषयमा सचेतना प्रदान गरिएको छ । सोही अवसरमा आयोजित वक्तृत्वकला प्रतियोगितामा भावना आचार्य प्रथम, प्रशान्त आचार्य द्वितीय र वीरता सुनार तृतीय भएका छन् । कार्यक्रममा विद्यालयका प्रधानाध्यापक बासुदेव पौडेलले सबैको साझा प्रयासबाट मात्रै वातावरण संरक्षण हुने बताए । विद्यालयका सहायक प्रधानाध्यापक नन्दराज दाहालको अध्यक्षतामा भएको कार्यक्रममा अतिरिक्त क्रियाकलाप संयोजक शालिकराम अधिकारीले कार्यक्रमको संयोजन गरेका थिए ।