लेकसाइडमा घर भत्किंदा दुईको मृत्यु

पोखरा उपमहानगरपालिकाको प्रमुख पर्यटकीय स्थलको रुपमा परिचित लेकसाइडमा मंगलबार बिहान घर भत्किंदा दुई जनाको मृत्यु भएको छ । पोखरा उमनपा वडा नं. ६ गौरीघाट बैदाममा पुरानो पक्की घर भत्काउने क्रममा घरको ठूलो भाग अचानक खस्न गइ सोही काममा संलग्न दुई मजदुरको मृत्यु भएको हो । स्थानीय बावुराम लामिछानेको पुरानो घर भत्काउनका लागि मजदूरको रुपमा कार्यरत  पर्सा जिल्लाको महादेवपट्टी घर भएका ३५ वर्षीय हरिनन्द भण्डारी र ३० वर्षीय मनोहर दासको पुरिएर मृत्यु भएको जिल्ला प्रहरी कार्यालय कास्कीले जनाएको छ । कास्कीका प्रहरी प्रवक्ता एवं प्रहरी नायव उपरीक्षक केदार रजौरेले गोल्डेन न्यूज दैनिकलाई दिएको जानकारी अनुसार लामिछानेको पुरानो दुईतले पक्की घरको फलामे भ¥याङ काटेर विमलाई तान्न डोरी लगाउने क्रममा उक्त दुर्घटना भएको हो । त्यस घटनामा अन्य मजदुरहरु हरिरामसिंह, विष्णुप्रसाद सुवेदी र सुरज भण्डारी लगायतका केही घाइते भएकोमा उनीहरूको हत र खुट्टामा सामान्य चोट लागेको छ । घर भत्किएर पुरिएका दुईजनाको घटनास्थलमै मृत्यु भएपछि नेपाल प्रहरी, नेपाली सेना र सशस्त्र प्रहरीकान साथै स्थानीय सर्वसाधारणको प्रयासमा शव निकालिएको थियो । मृतकका परिवारलाई क्षतिपूर्ति दिने सम्बन्धमा भने अझैसम्म कुनै कुरा भएको छ । तर मजदूरहरुको रुपमा काम गर्दा उनीहरुले ज्यान गुमाउनु परेकाले क्षतिपूर्ति या मृतकका परिवारलाई केही राहत दिनुपर्ने भनाई मजदूरहरुको छ । मृतक दुवैको शव पोष्टमार्टमका लागि पश्चिमाञ्चल क्षेत्रीय अस्पताल रामघाटमा राखिएको छ । अन्य तीन जना भने भागेर बाँच्न सफल भएको प्रहरीले जनाएको छ । लामिछानेले पुरानो घरको पछाडि होटल प्रयोजनका लागि नयाँ भवन निर्माण गरिरहेकोले पुरानो घ'भत्काउन लागेका हुन् । यसैगरी तनहुँको शुक्ला गण्डकी नगरपालिका–१२ बगाले टोलमा सोमबार राति वर्षापछि आएको पहिरोले पुरिँदा एक बालिकाको घटनास्थलमै मृत्यु भएको छ ।  मृत्यु हुनेमा नरबहादुर श्रेष्ठकी १३ वर्षीया छोरी अमृता श्रेष्ठ रहेकी जिल्ला प्रहरी कार्यालय तनहुँले जनाएको छ । भान्सामा खाना पकाउँदै गरेकी ती बालिकालाई घर माथिबाट आएको पहिरोले एक्कासि पुरेको थियो ।