कास्कीका बाँस्तालाको नेतृत्व अमेरिकामा

गोल्डेन न्यूज संवाददाता
पोखरा २८ जेठ ।
अमेरिकामा बस्ने नेपालीहरूको संस्था जनसम्पर्क समिति अमेरिका अन्तर्गत न्यूूयोर्क स्थित लङ आइल्याण्ड च्याप्टरको पहिलो अधिवेशनले च्याप्टरको अध्यक्षमा विश्वराज बाँस्तोलालाई चयन गररेका छ । जनसम्पर्क समिति अमेरिका नेपाली कांग्रेसमा आस्थावान हरूको संस्था हो । अध्यक्षमा निर्वाचित बाँस्तोला कास्कीको हेमजाका स्थायी वासिन्दा भएपनि चारवर्षदेखि स–परिवार अमेरिकामा रहेका छन् । नेपाल शिक्षक संघ कास्कीका पूर्व सचिव एवं संघका पूर्व केन्द्रीय सदस्य समेत रहेका बाँस्तोला २०४५ सालदेखि नेपाली कांग्रेसमा लागेका थिए । हेमजा गाविसमा कांग्रेसको सचिव रहेर काम गरेका बाँस्तोलाले पोखरा स्थित विभिन्न विद्यालयमा करिब १८ वर्षमा शिक्षण पेशामा समेत विताएका थिए ।
अध्यक्षमा निर्वाचित भएपछि गोल्डेन न्यूज दैनिकसंगको संक्षिप्त कुराकानीमा उनले भने–‘मानिसले आफ्नो घर र देश छाडेपनि आफ्नो विचार र संस्कृति छोड्न सक्दैन । त्यसैले अमेरिकामा आएर पनि मैले नेपाली कांग्रेसको राजनीतिलाई अघि बढाउन जनसम्पर्क समितिको नेतृत्व लिएको हुँ ।’ समितिको उपाध्यक्षमा विनोद थापा, होम गौतम र चित्रबहादुर केसी, महासचिवमा विनिता भुजेल, सचिवमा सोमनाथ हुमागाइँ, कोषाध्यक्षमा संचिता थापा र सदस्यहरूमा शिवबहादुर बानियाँ, विदूर सापकोटा, प्रविण गौतम र दीपक पन्त रहेका छन् । अधिवेशनको उद्घाटन नेपाली नासम्पर्क समिति अमेरिकाका अध्यक्ष विष्णु सुवेदीले गरेका थिए । त्यस अवसरमा नेपाली कांग्रेसका महासमितिका सदस्यहरू आनन्द विष्ट, वेदप्रकाश खरेल, मिनबहादुर राना, मुनेन्द्र नेम्वाङ, विकास विष्ट, प्रमोद सिटौलाका साथै वंशलाल तामाङ, कृष्णप्रसाद पोखरेल, सानुबाबु सिलवाल, परमानन्द खनाल, यदजुराज गौतम लगायतले आ–आफ्नो भनाई राखेका थिए ।